امك الضيع تعبها*ألاكبر*

أمك ألضايع تعبها تعنت بلوعت كلبها
تنشد عليك أليالي يبني يلاأكبر يغالي
تعنت بلوعت كلبها
************************
تعب سنيني ضيعته وجيت بروح مهظومه
أنشد عنه بدموعي بلجي ألكاه با ألحومــــه
صحت ياليل دليني تدري عيوني مالومــــه
راح ألجان ألي سلوه وعشت وياه محشومـــه
دربه منين دليني أشوفه بعيني خليني
ضيعت خدري ودلالي يبني يلاأكبريغالي
******************************
ياليل عل بختك وين تعب سنـــــــيني ويامي
ماحن كلبك عليــــــه ونـــــــته تعاين ألامــي
أبني وكطعه من جبدي مثل نحره ألكلب دامي
سمعته أيصيح وتعنيت يايمه ألكلب ضامـــي
أريد أرويه بدموعي وحفر كبره بظلوعي
بلجن يحن ألحالــــي يبنييلا أكبر يغالي
*****************************
كلبي عليك دلانـــي يبني وجيت أودعنك
باجر لويطر صبحه امشي لليس عنـــــك
يسباح ألكلب ياريت كون بعيني أضمــنك
مأكدر يبعد ألروح فوك ألغبره أعوفـــنك
حيرني ألوكت يبني يمن برباك تعبني
أكعد وشوف ألجرالي يبني يلااكبر يغالي
*******************************
ماتكعد يبعد أمــــــــك تباصرني وتحاجيني
من عكبك يلاكبر وين ألدهر باجر يودينـــي
وعيني ألماتصد عليك بعد يبني شلي بعينـــي
وسمعتك من صحت يمي يم حسين وسدينـــــي
وخلي نحري يم نحره ودفنيني بلحد كبره
هذا دهري ألماله تالي يبني يلاأكبر يغالي
********************************
أحس بكلبي مني أيطيح لويهمل دمع عينه
وجنت من أحسب أسنيني انسه وحسب سنينه
شلون أكدر يليل أشلون اشوف علل الثره أجبينه
ومن حكه ألكلب ينشـــد تعب سنيني جاوينـــه
كلف ماينحمل همه ياليل عل كلب أمه
هذا مامر عل بالي يبني يلاأكبر يغالي
***********************************
عفاني شلون عندي عيون وتشوفك يــــــبعد أمك
جسمك عل ألثره مكطع ومن نحرك يصب دمك
أنحنت من شفتك ظلوعي يلاأكبركامت أتلمــــك
ولون يرضون يولـــــيدي أنه أكظي ألعمر يمــــك
لجن يازهرة أيامي باجر أمشي با لآمي
تنولي ألماعدهه والي يبني يلاأكبر يغالي
*************************************
ألمصايب يبني كلهاأتهون ونكول أحنه أنتحملها
لاجن عمتك زينـــــــــــب ييمه ألله يساعدهـــــا
تدي أجروحهه وما ظـــن يلاكبر تكدر أتشدها
شافت راس أبوك حسين يصد ألراس جافــــلها
ساعه تنوح عل ألجفين ساعه أصيح أكعد يحسين
شافت ألوادم خيالـــــي يبني يلا أكبر يغالــــــــي







مسلم محمد ألسماوي