علي السجاد قصيده

(علي بن ألحسين ع) ( مجرشه )
*************
كلبي شلون أطيب أجروحه ويبطل ألنــــــــــوح
وانه ألشفت حسين بعيــني من ألمحر مذبـــوح
صحت بسمه وشفت جسمه
من ألمنحر مذبوح
من ألمنحر مذبوح
***********
أنه ألعليل ألمانشـــــــــف دمعي ونسيت أحزاني
وعشت ألعمر كله بحزن من فاركت وليانـــــــي
جم لوعه جم كسرة كلب دهري شكثر راوانــــي
ولوأنسه منحر والــــدي شلون ألنحر ينسانـــــي
شفته بعيني وكلبي أصوب من ذاك أليـــــــــوم
ومانشفت دمعات أعيونـي عل ألظلع ألمهشوم
عشت همه وشفت جسمه
من ألمنحر مذبوح
من ألمنحر مذبوح
***********
لوردت اوصف حالتي وذكر مصايب عمــري
منين أبتدي من ياجسم من يانحر مـــــــا أدري
ماتنعد همومـــــي لون أحسبهه ألك يادهـــــري
ياريت كطعوا منحري وصاب ألمثلث صـدري
ولاشفت الصار علل الخد ر من عكب الوليـــان
ولاشافت عيني علل الغبره مذبوح العطشـــــان
نِزف دمه وشفت جسمه
من ألمنحر مذبوح
من ألمنحر مذبوح
***********



لويهل دمعي بكل وكت يا هل الخلك مالومــــه
وألمثلي ما ظن ينكطـع نوحه وتزول أهمومـه
من يومه وياي ألدهـــر جاسي ألكلب من يومـه
ما أنسه حال أم ألخــدر لمن مشت للحومـــــــه
ساعه تعاين جسم الوالي مطروح بــــــــلا راس
وساعه ألتكصد يم جافلها وتصرخ ياعبــــــــاس
رحت يمه وشفت جسمه
من ألمنحر مذبوح
من ألمنحر مذبوح
***********
شحال ألذي ايشوف أخوته با ألحومه كلهم صرعه
من حكه لويكظي ألعمــــر أينوح ويهل ألدمعــــــه
وأنه رد أناشد ياصبـــــــر يمكن دليلي أينفعـــــــه
من شفت بعيوني ألشمــــر نحر ألغريب أيكطعــــه
وشفت ألخيل أتعنت جسمه وناديت بهل ألحــال
ردجفوفك يابوا ألغــــــــيره طال أغيابك طــــال
لبوا أليمه شفت جسمه
من ألمنحر مذبوح
من ألمنحر مذبوح
***********
وكلف مصيبه علل الكلب من شفت راسه بعينـــي
فوك الرمح طول الدرب ظل يا علي ايناديـنـــــي
يوليدي دمعت عمتـــــك نشفهه لاتاذينــــــــــــــي
هاي اخت سبع الكنطره زينب يبدر اسنينـــــــــي
صبر كلبهه علل المحن وهموم الايــــــــــام
ذاك ألخدر راح ومشت للكوفه وشـــــــــــام
ثكل همه وشفت جسمه
من ألمنحر مذبوح
من ألمنحر مذبوح
***********

ولمن كصدت ألمشرعـــه وشفت ألكمر بعيونــــــي
ناديته ياراعي ألوفــــــــه بديرة غرب عفتونــــــي
تردوني أصبر عل ألجره يابا ألفضل تردونــــــــي
فوك ألالم فوك ألمــرض وكت ألشددتنسونــــــــي
ماعندي روح ولاكلــــــب يتحمل أهمـــــــوم
من حكهه عيني لوتهــــل وي دمعتي أدموم
صحت عمه وشفت جسمه
من ألمنحر مذبوح
من ألمنحر مذبوح
***********
ألله يعينك ياعلـــــــــــي جم لوعه شافت عيـــنـك
حكك لون تجري ألدمع وبا ألحزن تكظي أسنينك
من شفت أبوك ألوحــده ونكطع بينه وبينــــــــــك
بياحاله شلته وبا ألكبــر وَ سدِته نحره أيمينـــــك
من يومه وظل دمعك يجري وما فارك ألعيــن
ولوصديت ألماي بعينــــــك تذكر كلب حسين
ألغفه بسهمه وشفت جسمه
من ألمنحر مذبوح
من ألمنحر مذبوح
***********
أي وحك منحر وألدي هم الدهر عاشرتــــــه
وألدمع من ذاك ألوكت يا شيعه ما فاركتــــــه
يكولون سم جعده ألخلك بهل ألفاجعه أتجرعـته
شلون ودليلي بكربــــلا يم ألنحر وسدتــــــــــه
هذا ألصار وأنسه أحزاني ياشيعتي شــــــلون
وتمنه بهل أليله أتمنـــــه يم كبري أتحضرون
الوكت ضمه وشفت جسمه
من ألمنحر مذبوح
من ألمنحر مذبوح
***********

الفاتحه لخادم الحسين ع سيد ساجد الموسوي مسلم محمد السماوي