الرئيسية
أحدث الصور
التسجيل
من طرف ???? الجمعة مايو 08, 2009 2:38 pmخلون بهوى المظلوم خلونه
*****************
من يكول حسين طاح علل الـــــتراب ومن يكول حسين كطعوا منــحره
ومن يكول الكمر ضي بدره غــــــاب ومن يكول انصاب سبع الكنطره
ناس تسأل وألسؤال أصبح جـــــواب شلون أخت عباس تمشي ميسـره
وأنه من كثر ألنقد دلالي شـــــــــــاب وظلت أدموعي بجفنها أمحيـــــره
أذا مامر عل حسين ألمصــــــــــــاب عليمن ألغايب يهل دم ناظـــــــره
يعني كل ألصار برض ألطف سراب شلون وألسجاد شاف ألي جــــــره
أنه أدري ألسيف من حز ألركــــــاب ما كدر يذبح مناهج ثائـــــــــــــره
هذي ما تحتاج جلسه ولا نصــــــاب هذي جمره بكل دليل موجــــــــره
مأظن تبرد لعد يوم ألحســــــــــــاب وشنهي عذرك باجر من ألطاهـره
وأرد أنشدك يلتروج هل ألخطــــاب شنهوا رايك با ألظلع وألكًَََََََســـــــره
لاتكول بيومه جان ألجوا ضبـــــاب وما شفت محسن سكط فوك ألثـره
ولا توجه للوصي أسهام ألعتــــــاب و لاتكول شلون يسكت حيــــــــدره
أنجان ما تعرف علي بيوم ألظـراب عنه أنشد كوم وكصد خيـــــــــــبره
با ألوصيه ألتزم من شاف ألمصاب وكلبه بالاحزان والهم صبـــــــــره
لاتجامل عل ألحقيقه ولا تهـــــــاب كلمن ألماضي عل نهجه أيفســــره
وألدليل شلون من رد عل ألقبــــاب وألكبر شفناه لمن فجـــــــــــــــــره
مسلم محمد ألسماوي
